ესპანური გამოცემები დავიდ ალაბას შესახებ ძალიან ბევრ ინფორმაციას ავრცელებენ. ზინედინ ზიდანს ავსტრიელი ფეხბურთელის დამატების პერსპექტივა ძალიან ხიბლავს, ვინაიდან ის უნივერსალია, რომელსაც უდიდესი პოტენციალი აქვს...

პირველ რიგში უნდა აღინიშნოს, რომ ალაბა ეფექტურია დაცვის მარცხენა ფლანგზე, მას ასევე შეუძლია შეტევაში მარცხენა გარემაბრად თამაში.

კარიერის მანძილზე ალაბას არაერთხელ უცდია ბედი დაცვის ცენტრში და საკმაოდ საიმედო ცენტრალურ მცველად ითვლება.

გარდა ამისა, მიუნხენის „ბაიერნის“ რიგებში დავიდს ჩამშლელ ნახევარმცველადაც ბევრჯერ უთამაშია, ის საკმაოდ დიდ სისწრაფეს და ფიზიკურ ძალას ფლობს, რაც ნახევარმცველისთვის უმნიშვნელოვანესი ფაქტორია.

მადრიდში თვლიან, რომ „რეალი“ ალაბას არაერთ პოზიციაზე გამოიყენებს და მოთამაშეს სათამაშო დროის მხრივ არასდროს ექნება პრობლემა.

ალაბას შეეძლება როგორც მარცხენა ფრთაზე ადგილის დაკავება, ასევე სერხიო რამოსის, ან ვარანის ჩანაცვლება, რთულ სიტუაციაში კი კაზემიროს შეცვლაზეც არ გაუჭირდება.