გერმანული გამოცემების ცნობით, სერხიო რამოსის მიმართ ინტერესს მიუნხენის „ბაიერნიც“ იჩენს. „რეკორდმაისტერი“ „პსჟ“-ს დონის შეთავაზებას ვერ აკეთებს და წლიურად 15 მილიონის გადახდას ვერ შეძლებს, მაგრამ „ბლანკოსის“ კაპიტანს საინტერესო წინადადებით მიმართავს.

„ბაიერნი“ მზად არის, რამოსთან 3 წლიან კონტრაქტს მოაწეროს ხელი, სადაც მისი ანაზღაურება წლიურად 11.5 მილიონი ევრო იქნება.

ფლიკი რამოსს დიდ პატივს სცემს და მიიჩნევს, რომ სერხიოს დამატების შემთხვევაში მიუნხენური კლუბის რესურსი კიდევ უფრო გაიზრდება.