ზიდანის გაშვება გადაწყვეტილია, „რეალი“ ახალ მწვრთნელს ეძებს!
ესპანური გამოცემების ცნობით, ზინედინ ზიდანის „რეალიდან“ გაშვება გადაწყვეტილი ამბავია. ერთადერთი რამ, რაც ფრანგის პოზიციას გააძლიერებს ჩემპიონთა ლიგის მოგება იქნება, მაგრამ ეს ალბათ აუხდენელი ოცნება იქნება...
იმ შემთხვევაში, თუ „რეალი“ „ატალანტას“ ბარიერს ვერ გადალახავს და ჩემპიონთა ლიგას ისევ 1/8 ფინალიდან დაემშვიდობება, ფრანგს თანამდებობის დატოვება მაშინვე მოუწევს, სხვა შემთხვევაში კი პერესი მას ზაფხულამდე დაელოდება და მეგობრულად დაემშვიდობება.
კულუარული ინფორმაციით, „ბლანკოსი“ ახალ მწვრთნელს აქტიურად ეძებს. მოლაპარაკებების პირველი ეტაპი უკვე შედგა ჟულიან ნაგელსმანთან და მასიმილიანო ალეგრისთან.
დაუდასტურებელი ინფორმაციით, პერესს მოურინიოს დაბრუნების პერსპექტივაც ხიბლავს, მაგრამ აქ საქმე მარტივად არ არის.
რაც შეეხება რაულ გონსალეს ბლანკოს. ესპანელის დროებით დანიშვნა იმ შემთხვევაში მოხდება, თუ ზიზუ გუნდს „ატალანტასთან“ მარცხის გამო დატოვებს.
- 31 იანვარი 2021
- 8 991
- 12
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
