მადრიდის „ატლეტიკომ“ ისევ მოიგო. დიეგო სიმეონეს გუნდი საოცარ გამოსვლას განაგრძობს. „რეალის“ ქომაგებს იმედი ჰქონდათ, რომ „ვალენსია“ მაინც მოახერხებდა თუნდაც ყაიმის დაფიქსირებას, მაგრამ „როხიბლანკომ“ კვლავ იმარჯვა და მორიგი 3 ქულა ჩაიწერა აქტივში.

„ბლანკოსის“ ამოცანა ლა ლიგის ტიტულის დაცვასთან დაკავშირებით კიდევ უფრო რთულდება.

„ატლეტიკოს“ 18 თამაშიდან 15 მოგებული აქვს, 2 ფრედ დასრულებული, ხოლო 1 წაგებული (რეალთან).

დიეგო სიმეონეს გუნდი 47 ქულას ფლობს და ჩემპიონობისკენ მიმავალ გზაზე უპირობო ლიდერია.

„მარკა“ იუწყება, რომ თუ „რეალი“ „ლევანტესთან“ 3 ქულას ვერ მოიპოვებს, ჩემპიონობისთვის ბრძოლას დაემშვიდობება, ვინაიდან სხვაობა უკვე კოლოსალური ხდება.