დავიდ ბეტონიმ „ალავესთან“ მატჩის შემდეგ პრესკონფერენცია გამართა...

„ეს იყო დამსახურებული გამარჯვება. მადრიდის „რეალი“ მატჩის სტარტიდან დომინირებდა და ბურთის კონტროლი ჰქონდა. მთელი მატჩი ჩვენი კარნახით მიმდინარეობდა. მიხარია, რომ ასეთი კარგი მატჩი გამოვიდა და 3 ქულას მოპოვება მოვახერხეთ, რაც თავისთავად ძალიან მნიშვნელოვანი იყო.“

„ცვლილებები ზიდანმა განახორციელა, ის ჩემთან მუდმივ კავშირზე იყო და თამაშს ადევნებდა თვალს. ზიზუმ მითხრა, რომ აზარი დაახლოებით 65 წუთის შემდეგ გამეყვანა, რათა მას 90 წუთიანი დატვირთვა არ მიეღო. ვინისიუსის შემოყვანამ მეტი სისწრაფე და ვერტიკალურობა მოგვცა, რაც იმ მომენტში საჭირო გახლდათ.“

„ზიზუ შედეგით კმაყოფილია, ფრანგმა სპეციალისტმა ყველა მოთამაშეს მადლობა გადაუხადა და წარმატებები უსურვა. ყველაფერს გავაკეთებთ იმისათვის, რომ ლეგენდის დაბრუნებამდე 100%-იანი შედეგები გვქონდეს.“

„აზარი კიდევ მოუმატებს, ის ძალიან კარგი იყო. ბელგიელის ანგარიშზეა 1 საგოლე გადაცემა და 1 გოლი. ედენს აქვს ის კრეატივი, რაც ბევრს არ აქვს. ნებისმიერ მომენტში „7“-იანისგან გამწვავებას ველით.“

„ეს მატჩი უკვე დავიწყებას მიეცა, ჩვენ გეგმა შევასრულეთ. ახლა „ლევანტესთან“ მატჩზე გადავერთვებით და ვეცდებით, რომ მიმდინარე თვის ბოლო დაპირისპირება წარმატებით დავასრულოთ.“