ესპანური გამოცემების ცნობით, მადრიდის „რეალის“ პრეზიდენტი, ფლორენტინო პერესი დირექტორთა საბჭოსთან შეხვედრას და ზინედინ ზიდანის საკითხის განხილვას გეგმავს.

პერესისთვის კატეგორიულად მიუღებელი აღმოჩნდა სამეფო თასიდან გამოვარდნა, თანაც ისეთ გუნდთან, რომელიც მესამე ლიგაში თამაშობს და არანაირი რესურსი არ გააჩნია.

ფლორენტინო უკვე სერიოზულად ფიქრობს ზინედინის დათხოვნაზე და თვლის, რომ გუნდის წარუმატებლობაში ზიზუს ბრალიც სერიოზულად იკვეთება.

სწორედ ზიდანმა ვერ შეძლო ლუკა იოვიჩის გახსნა და საბოლოოდ ის გუნდიდან გაუშვას, იგივე მდგომარეობაშია მარტინ ოდეგორი, რომელიც სამეფო კლუბს ბრწყინვალე ფორმაში შეუერთდა, ახლა კი წასვლას იხვეწება.

გარდა აღნიშნული საკითხებისა, ზიდანს კიდევ ბევრი პრობლემა დაუგროვდა და საბოლოო ჯამში არ არის გამორიცხული, სამეფო კლუბში მართლაც მიიღონ მისი გათავისუფლების გადაწყვეტილება.