მადრიდელი ჟურნალისტები და ანალიტიკოსები დავიდ ალაბას „რეალში“ გადასვლას პოზიტიურად აფასებენ.

გარდა იმისა, რომ ავსტრიელი ფეხბურთელი მაღალ დონეზე თამაშის ძალიან დიდ გამოცდილებას ფლობს, ის უნივერსალია და შეუძლია ითამაშოს, როგორც მარცხენა მცველად და შემტევად, ასევე დაცვის ცენტრში.

ალაბა წლების მანძილზე აცხადებდა პრეტენზიას მსოფლიოს საუკეთესო მარცხენა მცველის ტიტულის მოგებაზე, ის „უეფას“ და „ფიფას“ სიმბოლურ გუნდშიც მოხვდა რამდენჯერმე.

არაერთი ჟურნალისტის აზრით, ალაბა „ბლანკოსის“ მარცხენა ფლანგზე ჩაიბარებს და ფერლან მენდის სათადარიგოთა სკამზე გადასვამს.