ალვარო ოდრიოზოლა აბსოლუტურად ყველა შემოთავაზებას განიხილავს, რომელიც სხვა კლუბებიდან აქვს. განაპირა მცველს სამეფო კლუბიდან სასწრაფოდ წასვლა სურს.

ზიზუ ალვაროს საერთოდ არ ენდობა, ის მოედანზე მაშინაც კი არ ჩნდება, როდესაც მარჯვენა ფლანგზე დანიელ კარვახალი ვერ თამაშობს. ფრანგი სპეციალისტი ამ შემთხვევაში ლუკას ვასკესზე ან ნაჩოზე აკეთებს ხოლმე აქცენტს.

ამ ეტაპზე ოდრის დამატებაზე პრეტენზიას „ბილბაო“ და „ფიორენტინა“ აცხადებენ.

თავის მხრივ, ფეხბურთელი „რეალის“ ხელმძღვანელობას სთხოვს, რომ კონტრაქტის პირობები დაირღვეს და მოთამაშეს კლუბიდან წასვლის საშუალება მიეცეს.