მაურისიო პოჩეტინოსა და კილიან მბაპეს შორის ურთიერთობის სტარტი არც ისე თბილი გამოდგა. არგენტინელმა კოლექტივში საკუთარი ძალაუფლების ჩვენება გადაწყვიტა და ვერ აიტანა ჭორები, რომელიც კილიანის „რეალში“ გადასვლას უკავშირდებოდა.

ერთ-ერთ მომენტში მაურისიომ განაცხადა კიდეც, რომ სასტარტო შემადგენლობაში გარანტირებული ადგილი არავის აქვს და ყველამ „პსჟ“-ს წარმატებაზე უნდა იფიქროს.

საფრანგეთში პოჩეტინოს უკვე შეუთვალეს, რომ მბაპესთან დაკავშირებით სიფრთხილე გამოიჩინოს, ვინაიდან ის ეროვნული ნაკრებისთვის ფასდაუდებელი ფიგურაა. „მამლები“ 2021 და 2022 წელს ევროპისა და მსოფლიო ჩემპიონატების მოგებას აპირებენ და უპირობო ფავორიტებად ითვლებიან, რისი ერთ-ერთი განმაპირობებელი ფაქტორიც სწორედ მბაპე უნდა იყოს, ვინაიდან ის ნაკრების უდავო ლიდერია.

როგორც სჩანს, პოჩეტინოს კილიანის დასჯა და სათადარიგოთა სკამზე, თუნდაც საჩვენებლად დასმა ძალიან გაუჭირდება.

ყოველივე ზემოაღნიშნული ისევ უკავშირდება ახალგაზრდა მოთამაშეს „რეალში“ გადასვლის სურვილს. კილიანმა „პსჟ“-ს უკვე 3-ჯერ უთხრა უარი.