მაშინ, როდესაც სამეფო კლუბის შეტევებში არანაირი ფანტაზია არ არსებობს, მაშინ როდესაც გუნდი სწორხაზოვნად უტევს და მხოლოდ საჯარიმოში მაღალი ბურთის ჩაკიდებით არის დაკავებული, მაშინ როდესაც კოლექტივი მატჩს აგებს და მეტი კრეატივი სჭირდება, მარტინ ოდეგორი სათადარიგოთა სკამზე ზის და ზიდანი გასახურებლადაც არ ეძახის.

საუბარია ფეხბურთელზე, რომელიც შარშან „სოსიედადში“ ბრწყინავდა, რომელმაც არაერთი გოლი გაიტანა და საგოლე გადაცემა ჩაიწერა აქტივში.

ფაქტია, რომ ასე გაგრძელების შემთხვევაში მარტინი სამეფო კლუბის რიგებში არ დარჩება და ახალი გუნდის ძიებას დაიწყებს.