იტალიური „მილანი“ ბრაჰიმ დიასის თამაშით ძალიან კმაყოფილია. იტალიური გამოცემების ცნობით, „როსონერი“ სამეფო კლუბს მალე მიმართავს...

იტალიაში იციან, რომ ფლორენტინო პერესი დიასის პროგრესს საკმაოდ დიდი ყურადღებით აკვირდება და მისი დაბრუნება სურს, ამიტომ „მილანი“ აქტიურ მოქმედებებზე გადადის.
„როსონერის“ სურს, რომ დიასი კიდევ 1 წლით დაიტოვოს და მოთამაშე სერია „ა-ში 2022 წლის ზაფხულამდე დარჩეს.

„მილანი“ გარანტიებს იძლევა, რომელიც სათამაშო დროს უკავშირდება.

თავად დიასი „მერენგების“ რიგებში დაბრუნებაზე ფიქრობს, მაგრამ გარკვეული პირობების დაკმაყოფილება სურს.

მადრიდელებს გადაწყვეტილების მიღება მოუწევთ, თუმცა ისიც აღსანიშნავია, რომ ასეთი პროგრესის გაგრძელების შემთხვევაში, ბრაჰიმი „რეალს“ 2022 წელს ძალიან დიდი გამოცდილებით და შესანიშნავი სათამაშო კლასით დაუბრუნდება.

ამასთანავე აღსანიშნავია, რომ იტალიური მხარე სრულ მზადყოფნას გამოთქვამს, ბრაჰიმის ხელფასის 100% გადაიხადოს და „რეალი“ ყოველგვარი ვალდებულებისგან გაათავისუფლოს.