ზინედინ ზიდანი კვლავ საფიქრალშია. დანიელ კარვახალი ესპანეთის სუპერთასზე მონაწილეობას ვერ მიიღებს, მთავარმა მწვრთნელმა კი უნდა გადაწყვიტოს ვინ გამოიყენებს მარჯვენა ფლანგზე.

როგორც სჩანს, ზიზუ ოდრიოზოლას ვარიანტს არ განიხილავს და არჩევანს ნაჩო ფერნანდესსა და ლუკას ვასკესს შორის გააკეთებს.

ფერნანდესი კარგ ფორმაშია, მაგრამ ის ცენტრში უფრო პროდუქტიულია, ვიდრე მარჯვნივ, რასაც პირველ რიგში ასაკის მატება და სისწრაფის დაკარგვა განაპირობებს.

თავის მხრივ ვასკესის მარჯვენა მცველად გამოყენება უკანა რგოლში გარკვეულ პრობლემებს ქმნის, ხოლო წინ გუნდი ისეთი ეფექტური არ არის, როგორც მაშინ, როდესაც ლუკასი თავდასხმაში მოქმედებს.

ვარჯიშებზე არაერთი ტაქტიკური მონახაზი მუშავდება, რომლის გამოყენებასაც მთავარი მწვრთნელი ნახევარფინალურ მატჩში აპირებს.