ტაკეფუსა კუბო „ვილიარეალიდან“ „რეალში“ დაბრუნდა და მალევე აიღო გეზი „ხეტაფესკენ“. ეს გადაწყვეტილება უნაი ემერის პოზიციამ განაპირობა, რომელიც ახალგაზრდა შემტევს იშვიათად ენდობოდა და საბოლოო ჯამში „ბლანკოსშიც“ დააბრუნა.

მეორე ფეხბურთელი, რომელიც იჯარის წესით გერმანიაშია გაშვებული რეინიერ ჟესუსი გახლავთ. ბრაზილიელი ფეხბურთელი ბუნდესლიგაში ფაქტობრივად არ სჩანს, რაც ფლორენტინო პერსის შეშფოთებას იწვევს.

მადრიდელებმა ახალგაზრდა ნახევარმცველი „დორტმუნდში“ 2 წლიანი იჯარით იმ იმედით გაუშვეს, რომ მოთამაშე ბორუსიელთა რიგებში ბევრს ითამაშებდა და განვითარდებოდა, თუმცა ასე არ არის.

ABC-ს ინფორმაციით, „ბლანკოსმა“ რეინიერის უკან დაბრუნების გადაწყვეტილება მიიღო და შესაბამისი პროცედურებიც დაიწყო.

ამის პარარელურად, ფლორენტინო პერესს რონალდო ნაზარიომ მიმართა და რეინიერის „ვალიადოლიდში“ გაშვებს სთხოვა.

ზემოაღნიშნულ წყაროზე დაყრდნობით, „ვალიადოლიდი“ მზად არის, ბრაზილიელი ტალანტი დაიმატოს, როგორც 6 თვიანი იჯარით (სეზონის ბოლომდე), ასევე წელიწადნახევრიანი იჯარით, რომელიც ძალაში მხოლოდ იმ შემთხვევაში იქნება, თუ „ვალიადოლიდი“ ლა ლიგაში დარჩენას მოახერხებს.