თუ ლუკას ვასკესი არსებულ შეთავაზებაზე საბოლოოდ იტყვის უარს და კონტრაქტს არ გაახანგრძლივებს, სამეფო კლუბი ზაფხულში მას გაუშვებს და ბრაჰიმ დიასს დაიბრუნებს „მილანიდან“.

პერესი თვლის, რომ დიასმა სერია „ა“-ში კიდევ ერთხელ აჩვენა საკუთარი კლასი და ინტელექტი, რომელსაც მადრიდის „რეალს“ მოახმარს.

დიასი ახალგაზრდა და ძალიან იმედისმომცემი ფეხბურთელია, თუმცა ის შეტევაში უფრო ეფექტურია, ვიდრე უკან, ვასკესს კი დაცვაში თამაშიც შეუძლია.

ესპანეთში თვლიან, რომ ფლორენტინო ვასკესის მობილურობაზე არ ნერვიულობს, ვინაიდან მარჯვენა მცველის დამატება ისედაც აქვს განზრახული, რომელიც კარვახალის კონკურენტი იქნება.