მადრიდის „რეალის“ ფეხბურთელებმა 2 დღიანი შესვენების შემდეგ ლა ლიგის მომდევნო ტურისთვის მზადება დაიწყეს...

რაც ყველაზე მთავარია, სერხიო რამოსი გუნდს დაუბრუნდა და კუჭის პრობლემები აღარ აწუხებს.

ზიდანმა სესია სატრენაჟორო დარბაზში დაიწყო, სადაც ფეხბურთელებმა კუნთების გასამაგრებელი ვარჯიშები ჩაატარეს.

გაზონზე გასვლის შემდეგ კოლექტივი რამდენიმე ნაწილად გაიყო და მოკლე სივრცეში ზუსტ, კომბინაციურ თამაშზე გააკეთა აქცენტი.

როდრიგო გოეში აღდგენით პროცესს განაგრძობს. დატვირთვა არ მიუღია დანიელ კარვახალსაც, რომელიც მხოლოდ სატრენაჟორო დარბაზში ირჯებოდა.

ზიდანის გუნდი ოთხშაბათს, ხუთშაბათს და პარასკევს კიდევ 3 სესიას გამართავს, „ელ სადარს“ კი 9 იანვარს ესტუმრება.