რელანო:„ზიდანს ასენსიოსა და აზარს შორის არჩევანის გაკეთება მოუწევს“
ალფრედო რელანოს აზრით, მარკო ასენსიო ბრწყინვალე ფორმაში შედის და მისი სასტარტო შემადგენლობიდან „ამოგდება“ ედენ აზარს გაუჭირდება...
„ასენსიო შესანიშნავ ფორმაშია, მან იგრძნო ბურთი და საკუთარი შესაძლებლობები.“
„არ არის მარტივი 8 თვიანი პაუზის შემდეგ ხმაურით დაბრუნდე. ესპანელს დრო მიეცა და ვფიქრობ, ბოძებული შანსი შესანიშნავად გამოიყენა. მარკო ესპანეთის ნაკრებს ძალიან სჭირდება, ის გუნდისთვის მნიშვნელოვანი მოთამაშე გახდება.“
„ლუკას ვასკესი ამ ეტაპზე შეუცვლელია. ის თამაშობს ყველგან, სადაც ზინედინ ზიდანს სჭირდება. ესპანელის ბრძოლისუნარიანობა ძალიან მნიშვნელოვანია, ვასკესი მოედნის ყველა წერტილში დარბის და „რეალს“ უფრო მობილურს ხდის.“
„ვფიქრობ, ასენსიოს ვასკესის ფლანგზე გადასვლა არ მოუწევს და ედენ აზარს მარკოსთან კონკურენცია ჯერ-ჯერობით გაუჭირდება.“
„როდრიგოს ტრავმის ფონზე, ვინისიუსს მეტი შანსი აქვს, მაგრამ ამ ეტაპზე ბრაზილიელიც რთულ მდგომარეობაშია, ვინაიდან მის ფლანგზე ასენსიო და აზარიც აცხადებენ პრეტენზიას.“
- 4 იანვარი 2021
- 1 723
- 51