ლუკა მოდრიჩმა ვიგოელებთან შესანიშნავად ითამაშა. ხორვატმა ფეხბურთელმა მატჩის შემდეგ კომენტარი გააკეთა.

„ძალიან კარგი მატჩი იყო. „სელტა“ ბურთის გაკონტროლება ცდილობდა, მაგრამ ჩვენ ეფექტურად ვთამაშობდით და ბურთზე ყველა შეხება ნაყოფიერი იყო.“

„ასენსიოს და ვასკესის დიდი შრომა აუცილებლად უნდა დავაფასოთ, მათ შესანიშნავად იასპარეზეს.“

„იანვარი მნიშვნელოვანი თვე იქნება. წინ ესპანეთის სუპერთასი გველის.“

„თუ ამ თვეში ყველა მატჩს მოვიგებთ, სუპერთასსაც მოვიგებთ და ლა ლიგაშიც გავიუმჯობესებთ მდგომარეობას. ამაში დარწმუნებული ვარ.“

„„ატლეტიკოს“ სტაბილურობა? დიახ, სიმეონეს გუნდი კარგად გამოდის, მაგრამ ერთადერთი ბერკეტი, რომლითაც მათ დავუპირისპირდებით ისევ სტაბილურობა იქნება.“