ზიდანი:,,რამოსმა უნდა განაახლოს"
ზინედინ ზიდანმა „ელჩესთან“ მატჩის წინ პრესკონფერენცია გამართა...
„ელჩე“ დაწინაურებული გუნდია. ვფიქრობ, საკმაოდ რთული მატჩი გველის, მაგრამ ვიცით, რომ აღებულ გეზს არ უნდა გადავუხვიოთ და მეტის შესაძლებლობა გვაქვს.“
„მოედანს რამდენიმე დღიანი შესვენების შემდეგ ვუბრუნდებით და მოტივაცია ნამდვილად არ გვაკლია.“
„შანსს ყველას მივცემ. „რეალში“ არ იქნება არცერთი ფეხბურთელი, რომელსაც მოედანზე გასვლის საშუალება არ მიეცემა. მარსელომ და ისკომ ამ კლუბისთვის ბევრი გააკეთეს და შესაბამისი დაფასებაც აქვთ.“
„ტრანსფერებზე საუბარს ამ ეტაპზე არ ვაპირებ. მე ვენდობი მოთამაშეებს, რომლებიც ახლა თამაშობენ სამეფო კლუბის რიგებში.“
„აზარი გარკვეულ წუთებს მიიღებს, ის სრულ მზადყოფნაშია და ვარჯიშებზეც ეფექტური იყო.“
„მსურს, რომ რამოსის საკითხი სწრაფად დაიხუროს. თუ კაპიტანი არ გაახანგრძლივებს, მე ბევრი რამის შეცვლა მომიწევს, ამიტომ ვფიქრობ, რომ ხელმოწერილის ცერემონია დროულად უნდა ჩატარდეს.“
„ჩემი საუკეთესო თვისება მხოლოდ ის არის, რომ უზომოდ მიყვარს ფეხბურთი.“
„როტაცია ბუნებრივია, მაგრამ როდესაც ხშირად ვიყენებ ერთ თერთმეტეულს, ხშირად გავდივარ კონსულტაციებს პროფესიონალებთან, რომლებიც ზუსტად აფასებენ რისკებს, ამიტომ პრობლემა არ არის.“
„2020 წელი გამოწვევებით სავსე იყო, ახლა კი მადლობა უნდა ვთქვა, რომ ჩემ გუნდს მოედანზე გასვლა და თამაში შეუძლია. არსებულმა პანდემიამ ბევრი რამ შეცვალა, მაგრამ ქომაგებს მაინც აქვთ იმის ბედნიერება, რომ ფეხბურთს უყურონ.“
- 29 დეკემბერი 2020
- 4 403
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
