მადრიდის „რეალმა“ ვარჯიში განაახლა
სამეფო კლუბის ფეხბურთელებმა საშობაო შესვენების შემდეგ ვარჯიში განაახლეს. ზინედინ ზიდანმა კოლექტივი საწვრთნელ ბაზაზე შეკრიბა და „ელჩესთან“ მატჩისთვის მზადება დაიწყო.
2020 წლის ბოლო დაპირისპირებას ლა ლიგის მოქმედი ჩემპიონი „მარტინეს ვალეროს“ სახელობის არენაზე გამართავს.
აღსანიშნავია, რომ დღევანდელ სესიაზე სრული დატვირთვა მიიღო ედენ აზარმა და ის დიდი ალბათობით, მომდევნო ტურში გარკვეული რაოდენობის წუთებს მიიღებს.
ვარჯიშზე დიდი ყურადღება დაეთმო ტაქტიკურ მონახაზებს, სტანდარტულების შესრულებას, კარში დარტყმესა და ბურთის ფლობას.
მეკარეები გოლკიპერთა მწვრთნელთან ერთად ირჯებოდნენ შემდეგ კი კოლექტივს შეუერთდნენ.
ხვალ და ზეგ „მერენგები“ კიდევ ორ ვარჯიშს გამართავენ.
- 27 დეკემბერი 2020
- 925
- 20
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
