კარიმ ბენზემა მადრიდის „რეალთან“ ახალ კონტრაქტს მოაწერს ხელს.

ფრანგმა ფორვარდმა მნიშვნელოვანი გადაწყვეტილება მიიღო. არსებული ხელშეკრულების მიხედვით, ის „ბლანკოსში“ 2022 წლის ზაფხულამდე უნდა დარჩეს, მაგრამ მხარეები დამატებით 1 წელზე შეთანხმდებიან.

ბენზემა მადრიდში 2023 წლის 30 ივნისამდე დარჩება და დიდი ალბათობით ამ დროს „მერენგების“ რიგებსაც გამოემშვიდობება.

გარდა იმისა, რომ კარიმს ზინედინ ზიდანი დიდ რეკომენდაციას უწევს, მისი ნაჩვენები შედეგები ფლორენტინო პერესს არწმუნებს, რომ ახალი კონტრაქტი აუცილებლად უნდა დაიდოს.