ტიერი ანრის აზრით, ფრანგული ფეხბურთი სერიოზული პროგრესის გზას ადგას, რაც თავისთავად მნიშვნელოვანი ფაქტია.

„ფრანგული ფეხბურთი ძალიან დიდ პროგრესს განიცდის. პირველ რიგში უნდა აღინიშნოს, რომ ჩვენი ნაკრები მსოფლიოში საუკეთესოა და ეს კიდევ ბევრჯერ დამტკიცდება.“

„დღეს პრემიერლიგა და ლა ლიგა უალტერნატივოა. ვისურვებდი, რომ საფრანგეთის ჩემპიონატიც იგივე დონეზე ვიხილო, ამისთვის კი ტოპ ვარსკვლავების შენარჩუნებაა საჭირო.“

„ზემოაღნიშნულის მიუხედავად, კილიან მბაპეს „პსჟ“-ში დიდხანს ვეღარ ვხედავ, მისი და „რეალის“ გზები ადრე თუ გვიან გადაიკვეთება. კილიანი ოქროს ბურთისთვის იბრძოლებს და ეს სწორედ „ბლანკოსში“ გადასვლის შემდეგ მოხდება.“

„„ბარსელონაში“ ტრანსფერი? მე ამ კლუბში ვთამაშობდი და რა თქმა უნდა, გამიხარდება, თუ მბაპე კატალონიური კლუბის ღირსებას დაიცავს, მაგრამ ის მადრიდისტაა და ეს ფაქტორი ბევრ რამეში გადამწყვეტ როლს თამაშობს.“