მადრიდის „ატლეტიკომ“ გუშინ „სოსიედადს“ უმნიშვნელოვანესი დაპირისპირება მოუგო.

დიეგო სიმეონეს გუნდი ტემპს არ აგდებს და მატჩების მოგებას განაგრძობს. „როხიბლანკომ“ ბასკურ კლუბს 2 ბურთიანი სხვაობით მოუგო და აქტივში უკვე 32 ქულა აქვს ჩაწერილი.

იმანიოლის კოლექტივმა ბოლო ტურებში ძალიან ბევრი ქულა გაანიავა და მადრიდის „რეალსაც“ ჩამორჩა, თუ „რეალი“ დღეს „გრანადას“ დაამარცხებს, მესამეადგილოსან „სოსიედადთან“ 6 ქულიანი სხვაობა ექნება, ამას კი სარეზერვო მატჩიც დაემატება, რაც პოტენციურ 9 ქულას ნიშნავს.

ამის პარარელურად „ბარსელონამ“ „ვალიადოლიდს“ 0-3 გადაურბინა და 24 ქულა მოაგროვა, კუმანის გუნდი საჩემპიონო ბრძოლაში ეტაპობრივად ბრუნდება.