მუჰამედ სალაჰმა ჟურნალისტებს ვრცელი და მრავლისმომცველი ინტერვიუ მისცა, სადაც „რეალსა“ და „ბარსელონაზეც“ ისაუბრა.

„უდავოდ უნდა ითქვას, რომ „რეალი“ და „ბარსელონა“ მსოფლიოს ერთ-ერთი ყველაზე მიმზიდველი კლუბები არიან, რომლებმაც ბოლო ათწლეულებში საოცარი შედეგები დააფიქსირეს და ევროპის მასშტაბით გაბატონდნენ.“

„არც ის მავიწყდება, როდესაც „რეალთან“ ფინალი წავაგე, სერხიო რამოსის ინციდენტს კი არასდროს ვიხსენებ, ეს ჩემთვის დახურული საკითხია. ზოგადად, ნებისმიერი იმედგაცრუება უფრო ძლიერს გვხდის, ეს მეხება მეც.“

„ძალიან დიდი იმედგაცრუება იყო „ატლეტიკოსთან“ წაგება, როდესაც ჩემპიონთა ლიგას ნაადრევად დავემშვიდობეთ, მაშინ განსხვავებული განცდები მქონდა.“

„ახლა მხოლოდ „ლივერპულის“ წარმატებაზე ვფიქრობ, მაგრამ ნამდვილად არ ვიცი, კიდევ რამდენ ხანს დავრჩები პრემიერლიგაში. არც იმას გამოვრიცხავ, რომ „რეალში“, ან „ბარსელონაში“ აღმოვჩნდე. არასდროს არაფრის პროგნოზირება არ შეიძლება.“

„ავიღოთ თუნდაც „ლივერპულის“ მაგალითი. სანამ მერსისაიდელთა რიგებში აღმოვჩნდებოდი, ეს გუნდი ჩემს ირგვლივ საერთოდ არ ფიგურირებდა.“