ემილიო ბუტრაგენიომ ჩემპიონთა ლიგის წილისყრის შედეგები შეაჯამა.

„„ატალან“ ძალიან კარგი გუნდია, რომელიც როგორც საშინაო, ასევე გასვლით არენებზე დიდ ყურადღებას უთმობს შეტევას, ბურთის კონტროლსა და გოლების გატანას. იტალიელთა სავიზიტო ბარათი სწორედ ეფექტური შეტევა და კომბინაციური ფეხბურთია. ჩვენ საკმაოდ რთული გზა გამოვიარეთ 1/8 ფინალამდე და ვთვლი, რომ დიდი ყურადღებით თამაში გვმართებს.“

„გუნდს აქვს ხასიათი და გამარჯვებულის მენტალიტეტი, რაც ძალიან მნიშვნელოვანია. თუ საკუთარ სახეს არ დავკარგავთ და იმ ფეხბურთს ვითამაშებთ, რაც შეგვიძლია, აუცილებლად დავამარცხებთ ნებისმიერ მეტოქეს.“

„პირველი დაპირისპირება იტალიაში გაიმართება. ყველაფერი უნდა გავაკეთოთ იმისათვის, რომ ბერგამოდან კმაყოფილები დავბრუნდეთ და მადრიდში საქმე ბოლომდე მშვიდად მივიყვანოთ.“

„რაც უფრო რთულია სიტუაცია, მით უფრო უკეთესი ხდება გუნდი და გაუმჯობესებული მოტივაცია აქვს.“

„წინა კვირაში მჭიდრო კალენდარის მიუხედავად ძალიან მაღალი დონის ფეხბურთი ვაჩვენეთ ქომაგებს, რაც შედეგებზეც აისახა. ჩემპიონთა ლიგაზე ძალიან საპასუხისმგებლო მატჩი გვქონდა, სადაც მეტოქე უშანსოდ დავტოვეთ.“

„„ატალანტასთან“ დაპირისპირება თებერვალში იქნება. საკმაოდ დიდი დრო გვაქვს იმისათვის, რომ 1/8 ფინალური დაპირისპირებისთვის კარგად მოვემზადოთ და საუკეთესო ფორმაში შევიდეთ.“