ზინედინ ზიდანი ისკოს საერთოდ აღარ ენდობა. უმნიშვნელოვანეს დაპირისპირებებში ალარკონი მეორე ტაიმშიც არ ერთვებოდა მატჩებში.

„მარკას“ ცნობით, ესპანელს წასვლა ძალიან სურს, მაგრამ რეალური მსურველი არ ჰყავს. მთავარი პრობლემა ნახევარმცველის ფასია.

ფლორენტინო პერესს სურს, რომ მოთამაშის სანაცვლოდ მინიმუმ 40 მილიონი ევრო მიიღოს, მსურველი კლუბები კი ნაკლებს იხდიან.

იტალიური გამოცემების ცნობით, „მილანი“ მზად არის, ისკო 6 თვიანი იჯარით დაიმატოს და გამოსყიდვის უფლება მიიღოს, თუმცა მოლაპარაკებები სავარაუდოდ იანვარში დაიწყება.