ფედერიკო ვალვერდე დაგეგმილზე 3 კვირით ადრე დაბრუნდა და „ატლეტიკოსთან“ დაპირისპირებაში მონაწილეობის მიღება შეძლო. ურუგვაელი ფეხბურთელი მწვანე მინდორზე მატჩის მიწურულს გამოჩნდა.

„ძალიან მოხარული ვარ დაბრუნებით. როდესაც ტრავმა მივიღე, სულ სხვა პროგნოზები არსებობდა, მაგრამ ბევრი ვიმუშავე და მიხარია, რომ მოედანზე გასვლა დაგეგმილზე ბევრად ადრე მოვახერხე.“

„სამეფო კლუბმა დამსახურებული გამარჯვება დააფიქსირა და სატურნირო მდგომარეობა გაიუმჯობესა. ჩვენ მოქმედი ჩემპიონები ვართ და გვსურს, რომ ტიტული დავიცვათ.“

„გასულმა სამმა დაპირისპირებამ ბევრი რამ შეცვალა. ეს იყო გარდამტეხი მატჩები, სადაც შემართებამ და ერთიანობამ სასურველი შედეგი მოგვცა.“