კარვახალი:„კარიერის ერთ-ერთი საუკეთესო გოლი გავიტანე“
დანიელ კარვახალმა მადრიდული დერბი შეაფასა...
„ძალიან სერიოზულ გამოწვევას ვუპასუხეთ. გასული 3 დაპირისპირება ურთულესი იყო, მაგრამ 100%-იანი შედეგი ვაჩვენეთ და პოზიციები გავიმყარეთ. ჩემი გოლი კარიერაში ერთ-ერთი საუკეთესო იყო. არ ვიცი, ავტოგოლად ჩაითვლება, თუ მე ჩამეწერება აქტივში, თუმცა მთავარი ის არის, რომ მომენტი თავიდან ბოლომდე მე შევქმენი.“
„ბურთის ფლობა გვქონდა, მეტოქეს შეტევის დაწყების საშუალებას არ ვაძლევდით და მუდმივად აქტიურ პრესინგს ვთამაშობდით, სწორედ ეს იყო წარმატების გასაღები.“
„ჩვენ დავბრუნდით ჩემპიონობისთვის ბრძოლაში და გვჯერა, რომ პრობლემები უკან დარჩა. არაერთი ტრავმირებული ფეხბურთელის მიუხედავად, „ბლანკოსი“ ფონს მაინც გადის და გვჯერა, რომ ეს გზა საბოლოო წარმატებამდე მიგვიყვანს.“
„თუ ამ საღამოს მატჩს წავაგებდით, „ატლეტიკო“ ჩემპიონობაზე მართლაც დიდ განაცხადს გააკეთებდა, ვინაიდან ამ გუნდს რამდენიმე დაპირისპირება რეზერვში აქვს.“
„„ბილბაო“ რთული მეტოქე იქნება. ვიცით, რომ ბასკები შეუპოვრები არიან, ამიტომ მათ წინააღმდეგ განსაკუთრებული ყურადღება გვმართებს.“
„ტრავმა უკან დარჩა. არაფერი აღარ მაწუხებს და მზად ვარ, ბოლომდე დავიხარჯო.“
„გატანილი გოლი ჩემს შვილს მიეძღვნა, ის ძალიან პატარაა, მაგრამ მერწმუნეთ, გავა დრო და აუცილებლად ვაჩვენებ ამ გოლს, რომელიც მას მიეძღვნა.“
- 13 დეკემბერი 2020
- 1 039
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
