მადრიდის „რეალს“ ზედიზედ 3 უმნიშვნელოვანესი მატჩის ჩატარება უწევდა. თამამად შეიძლება ითქვას, რომ ზიდანმა გამოცდა ჩააბარა და მეტოქეები „მშრალზე“ დატოვა...

„სევილიასთან“, „გლადბახთან“ და „ატლეტიკოსთან“ „მერენგებმა“ 5 გოლი გაიტანეს და საკუთარ კარში არცერთი ბურთი არ გაუშვიათ.

ზინედინ ზიდანის გუნდმა ყველაზე რთულ დაპირისპირებებში შეძლო საკუთარი კარის მშრალად შენახვა, რამაც პირველ რიგში განაპირობა წარმატება.

შემდეგი გაჩერება „ბილბაოა“. მადრიდელებს კიდევ ერთი რთული თამაშის გამართვა მოუწევთ. ბასკები ესპანეთის დედაქალაქს 15 დეკემბერს ეწვევიან, ამის შემდეგ კი დაგეგმილია ლა ლიგის კიდევ 3 ტურის გამართვა „ეიბართან“, „გრანადასთან“ და „ელჩესთან“, სადაც „ბლანკოსი“ მაქსიმალური შედეგების ჩვენებას და წლის მაღალი შედეგებით დასრულებას ეცდებიან.