რაფაელ ვარანი მიმდინარე სეზონში ძალიან ბევრ შეცდომას უშვებს...

ფაქტია, რომ ფრანგ მცველს სერხიო რამოსის გარეშე ასპარეზობა ძალიან უჭირს.

მსოფლიო ჩემპიონის გამოსვლა „შახტარის“ წინააღმდეგ ძალიან სუსტი იყო, თუმცა ეს არ გახლავთ მხოლოდ ერთი, კონკრეტული მატჩი, სადაც რაფას თამაშის ხარისხი ვერანაირ კრიტიკას ვერ უძლებდა.

გულშემატკივრებს არაერთი მატჩი ახსენდებათ, რომელიც ფრანგმა ჩააგდო, განსაკუთრებით კი ამის თქმა „სიტისთან“, „ვალენსიასთან“ და კიდევ რამდენიმე გუნდთან შეიძლება.

ფაქტია, რომ რაფაელი რამოსთან ერთად სულ სხვა ფეხბურთს თამაშობს, თუმცა ისიც ფაქტია, რომ კაპიტანი ადრე თუ გვიან „ბლანკოსის“ სადარაჯოზე აღარ იდგება და ლიდერის ფუნქციების გადაბარებე ვარანს მოუწევს.