ჩემპიონთა ლიგის ჯგუფური ეტაპის ბოლო ტური მადრიდის „რეალისთვის“ ძალიან მნიშვნელოვანია. ზინედინ ზიდანის გუნდს ორ შემთხვევაში ექნება 1/8 ფინალში გასვლის შანსი.

პირველი შემთხვევა რა თქმა უნდა, მიუნხენბლადბახის „ბორუსიას“ ნებისმიერი ანგარიშით დამარცხება იქნება, მეორე შემთხვევა კი საკმაოდ „ჩახლართულ“ კომბინაციას ითვალისწინებს.

თუ ზიზუს გუნდი გერმანულ მეტოქეს ვერ მოუგებს და ფრეს დასჯერდება, ხოლო „ინტერი“ „შახტარს“ დაამარცხებს, სატურნირო ცხრილში გერმანული გუნდი პირველ ადგილს დაიკავებს, ხოლო მეორე პოზიციაზე „ბლანკოსი“ განთავსდება, ვინაიდან „ინტერთან“ თანაბარი ქულების მიუხედავად, გადამწყვეტ როლს ურთიერთშეხვედრები ითამაშებს, ამ კომპონენტში კი „ბლანკოსი“ კონტეს კოლექტივს ჯობნის.