დიეგო სიმეონეს აზრით, „ატლეტიკო“ მადრიდულ დერბიზე უკვე ფიქრობს...

„ზუსტად ვიცით, რომ 12 დეკემბერს სეზონის ერთ-ერთი ყველაზე მნიშვნელოვანი მატჩის ჩატარება მოგვიწევს. „რეალს“ პრობლემები აქვს, ხოლო „ატლეტიკო“ შესანიშნავ ფორმაშია და სულ მალე ოპტიმალურ შემადგენლობასთან ვიქნებით ახლოს.“

„დიახ, დანაკლისი ჩვენც გვაქვს, მაგრამ გუნდის სულისკვეთება არ იცვლება, ლა ლიგა უნდა მოვიგოთ, ამისთვის კი სტაბილური გამოსვლაა საჭირო.“

„თუ „რეალს“ დავამარცხებთ და ამ გუნდთან სხვაობას კიდევ უფრო გავზრდით, პირობას ვდებ, რომ უპირატესობის შენარჩუნებისთვის ყველაფერს გავაკეთებთ.“

„ატლეტიკომ“ 9 მატჩიდან 7 მოიგო და 2 ფრედ დაასრულა, ჩვენს კარში გოლის გატანა დიდი პრობლემაა. დიახ, ეს არის დიდი შრომის შედეგი. ახლა „რეალთან“ 6 ქულიანი სხვაობა და 1 მატჩია რეზერვში, რაც თავისთავად დიდ უპირატესობას მოგცემს. დერბის მოგების შემთხვევაში კი ნამდვილად კომფორტულ ზონაში აღმოვჩნდებით.“

„დიახ, „სოსიედადი“ დიდი კონკურენტია, თუმცა ბასკურ კლუბს ჩვენზე 2 თამაშით მეტი აქვს ჩატარებული, რაც იმას ნიშნავს, რომ ესპანეთის ჩემპიონატის პოტენციური ლიდერი „ატლეტიკოა“ და არა სხვა გუნდი.“