ზინედინ ზიდანის შეგირდებს დასვენების დრო არ აქვთ, ვინაიდან პირველ დეკემბერს, 21:55 საათზე „შახტარს“ დაუპირისპიდებიან...

გუნდმა აღდგენითი ვარჯიში უკვე გამართა და „შახტართან“ მატჩისთვის მზადება დაიწყო.

სესია გამოტოვა ედენ აზარმა, რომელსაც ტრავმა აღენიშნება.

კოლექტივთან ერთად ივარჯიშა კარიმ ბენზემამ, მაგრამ ჯერ-ჯერობით უცნობია, ითამაშებს თუ არა ჩემპიონთა ლიგაზე. იგივე სიტუაციაა რამოსთან დაკავშირებითაც.

დღევანდელ ვარჯიშზე დიდი ყურადღება დაეთმო პრესინგს, ბურთის ფლობას, კარში დარტყმების კომპონენტსა და მოკლე სივრცეში კომბინაციურ თამაშს.

ტრავმირებული ვალვერდე და სხვა მოთამაშეები აღდგენით პროცესს განაგრძობენ.

ხვალ სამეფო კლუბი უკრაინაში გაფრინდება და ფინალურ სესიას სწორედ იქ გამართავს.