როდრიგო გოეში ნამდვილად ოქროს რეზერვია. ბრაზილიელი ტალანტი უმნიშვნელოვანეს გოლებს იტანს და შეცვლებზეც ბრწყინვალედ გამოდის...

ესპანური გამოცემები საინტერესო ასპექტებზე ამახვილებენ ყურადღებას, რომელიც ბრაზილიელ მოთამაშეს უკავშირდება.

ევროპის ტოპ 5 ჩემპიონატში როდრიგო ერთ-ერთი ლიდერია, რომელიც კარიერის საწყის ეტაპზე საკმაოდ ბევრი გოლით იწონებს თავს.

თუნდაც ლეო მესი და კრიშტიანო რონალდუ პირველი სეზონის პირველ მატჩებში არ იყვნენ ისეთი პროდუქტიულები, როგორიც როდრიგოა.

„ას“ იხსენებს კარიმ ბენზემას, რომელმაც როდრიგოს დონის შედეგი (6 გოლი) ლიონში დააფიქსირა, როდესაც პირველ 612 წუთში 6 გოლი მიითვალა.

ფაქტია, რომ ამ ბიჭს დიდი მომავალი აქვს და სამეფო კლუბის სასარგებლოდ არაერთ გოლს გაიტანს.

ყველაფერი იმას გვიჩვენებს, რომ ოქროს რეზერვი სულ მალე გუნდის უდავო ლიდერი და გოლეადორი გახდება.