კარიმ ბენზემა მადრიდის „რეალთან“ ერთად სრულფასოვანი ვარჯიშების ჩატარებას ვერ ახერხებს. ესპანური გამოცემების ცნობით, ფრანგი ფორვარდი „ინტერთან“ მატჩისთვის ბოლომდე მზად არ იქნება.

ბენზემა დიდი ალბათობით განაცხადში მოხვდება, მაგრამ სავარაუდოდ, მეორე ტაიმში შევა მოედანზე.

იოვიჩს კოვიდ 19 აღენიშნება, აქედან გამომდინარე, „სან სიროზე“ „ბლანკოსის“ ფორვარდი ისევ მარიანო დიასი იქნება.

მარიანომ „ვილიარეალთან“ შანსი მიიღო და მეტოქის კარის აღებაც მოახერხა.

დღევანდელი ვარჯიშის შემდეგ ზიზუს დანამდვილებით ეცოდინება, შეძლებს თუ არა ბენზემა „ინტერის“ წინააღმდეგ ასპარეზობას.

„რეალი“ მილანში ხვალ გაფრინდება, მანამდე კი ბენზემას ექიმები ტესტირებას ჩაუტარებენ.