მადრიდის „ატლეტიკოს“ ლა ლიგაში შესანიშნავი შედეგები აქვს. ამ გუნდმა თავი უკვე 20 ქულას მოუყარა, მაგრამ უნდა აღინიშნოს, რომ ჩატარებული მატჩების მხრივ ჩოლოს გუნდს „რეალზე“ ერთით ნაკლები აქვს.

„როხიბლანკოს“ მაქსიმუმი 24 ქულა იყო და ამ გუნდმა 20 ჩაიწერა აქტივში, 8 თამაშში 18 ბურთი გაიტანა და მხოლოდ 2 გაუშვა.

ფაქტია, რომ „ატლეტიკო“ წელს მართლაც სერიოზულად გამოაცხადებს პრეტენზიას ჩემპიონობაზე.

მადრიდის „რეალს“ 9 ტურში 17 ქულა აქვს და სიმეონეს გუნდს 3 ქულით ჩამორჩება, თუმცა თანაქალაქელებს 1 მატჩიანი რეზერვის გამო, პოტენციური 6 ქულიანი სხვაობა აქვთ.

დეკემბერში გასამართი მადრიდული დერბი სატურნირო ცხრილში ძალიან ბევრ რამეს გადაწყვეტს, თუ იქ ჩოლოს გუნდი გაიმარჯვებს, „რეალის“ შანსები მნიშვნელოვნად შემცირდება.

რაც შეეხება „ბარსელონას“. კუმანის გუნდი საერთოდ კატასტროფულ მდგომარეობაშია და ამ ეტაპზე ლა ლიგაში 8 ჩატარებული თამაშის შემდეგ 11 ქულას მოითვლის.