მადრიდის „რეალმა“ ლა ლიგაში უკვე 9 ტური ჩაატარა, საიდანაც 17 ქულას მოუყარა თავი. ეს ყველაფერი იმ ფონზე ხდება, რომ ზიზუს გუნდის მაქსიმუმი 27 ქულა უნდა ყოფილიყო.

მიუხედავად საკმაოდ ნორმალური სტარტიდან, „მერენგებმა“ ქულების კარგვას მოუხშირეს და საბოლოო ჯამში დანაკარგი უკვე 10 ქულაა.

იმ შემთხვევაში, თუ „სოსიედადი“ და „ატლეტიკო“ წარმატებულ სვლას განაგრძობენ, ამ გუნდებსა და „რეალს“ შორის სხვაობა უკვე თვალსაჩინო გახდება.

ასევე აღსანიშნავია ბურთების სტატისტიკაც. „ბლანკოსმა“ 9 მატჩი მხოლოდ 15 გოლი გაიტანა და 10 გოლი მიიღო საკუთარ კარში. ორივე კომპონენტში კოლექტივი სერიოზულად მოიკოჭლებს და სიტუაცია გამოსასწორებელია.