მადრიდის „რეალის“ ფეხბურთელებმა კვირის მესამე ვარჯიში გამართეს, რომელშიც მონაწილეობა კაზემირომ და კარიმ ბენზემამაც მიიღეს...

სესია სანიტარული ნორმების მაქსიმალური დაცვით წარიმართა.

ზიდანმა დიდი ყურადღება დაუთმო ტაქტიკურ მონახაზებსა და ფიზიკური კონდიციების გაუმჯობესებას.

ვარჯიშზე მონაწილეობა არ მიუღია სერხიო რამოსს, რომელიც ტრავმირებულია და სულ მალე დადგინდება, რამდენ ხანს გამოტოვებს კაპიტანი.

ოდრიოზოლა და ფედე ვალვერდე აღდგენით პროცესს განაგრძობენ.

ხვალიდან „რეალი“ თითქმის სრული შემადგენლობით შეუდგება „ვილიარეალთან“ დაპირისპირებისთვის მზადებას.