ყველა ელოდა როგორ შეხვდებოდნენ ერთმანეთს ვალდანო და მოურინიო, როგორც ვიცით ისინი წარსულში ერთმანეთის "ლანძღვას" არ თაკილობდნენ. ამასთან დაკავშირებით რეალის სპორტულმა დირექტორმა კომენტარი გააკეთა.

"ჩვენ შორის ყველანაირი გაურკვევლობა მოგვარებულია. სამი წლის წინ მე მოურინიოზე ძალიან ცუდად ვილაპარაკე, მაგრამ მაშინ მას არ ვიცნობდი. პრეზენტაციამდე ჩვენ ერთმანეთს გავესაუბრეთ და ყველა პრობლემა ძალიან მალე გადავწყვიტეთ."

"ჟოზე მსოფლიოს ისტორიაში ერთ-ერთი საუკეთესო მწვრთნელია და მასზე უკეთესი კანდიდატურა მდრიდის რეალისთვის არც წარმომიდგენია. მეამაყება, რომ თეთრებს მომავალი სეზონიდან სწორედ პორტუგალიელი გაუძღვება გამარჯვებებისაკენ. ჩვენ ყველანი მხარს ვუჭერთ მას და შეძლებისდაგვარად დავეხმარებით."