გონსალო იგუაინის მამა შეხვდ ვალდანოს და ანხელ სანჩესს, მათ განიხილეს იგუაინის მომავალი და მიაღწიეს შეთანხმებას, რომლის მიხედვითაც პიპიტა ბერნაბეუზე 2016 წლამდე დარჩება და წელიწადში 3 მილიონ ევროს მიიღებს.

შეხვედრა ჟოზე მოურინიოს პრეზენტაციის შემდეგ შედგა, რაც იმას ნიშნავს, რომ პორტუგალიელმა მწვრთნელმა თანხმობა განაცხადა გონსალოს კლუბში დატოვებაზე.

შეგახსენებთ, რომ იგუაინს კონტრაქტი მადრიდის რეალთან 2013 წელს ეწურებოდა. მოლაპარაკებები კი მამამისსა და რეალის ხელმძღვანელობას შორის ერთი წლის განმავლობაში მიმდინარეობდა. დღეს კი წერტილი დაესვა ყველა ჭორს იმის შესახებ, რომ თეთრები გონსალოს გაყიდვას აპირებდნენ. აგრეთვე ამ გადწყვეტილებით ნათელია, რომ პიპიტა მოურინიოს გეგმებში შედის და ადგილი ძირითად შემადგენლობაში გარანტირებული აქვს.