დღეს, 16 ნოემბერს მადრიდის „რეალის“ პრეზიდენტი, ფლორენტინო პერესი ჟურნალისტებს უნდა შეხვედროდა და „ბლანკოსის“ სამომავლო გეგმებზე ესაუბრა, ამის პარარელურად იგეგმებოდა სერხიო რამოსის პრესკონფერენცია, სადაც კაპიტანი მის ირგვლივ ატეხილ აჟიოტაჟთან დაკავშირებით ისაუბრებდა...

3 საათის წინ ცნობილი გახდა, რომ რამოსის ნაცვლად პრესკონფერენციაზე ესპანეთის ნაკრების მთავარ მწვრთნელ ლუის ენრიკეს როდრი ეყოლებოდა თან.

ახლა კი ცნობილი ხდება, რომ ჟურნალისტებთან შეხვედრა გააუქმა ფლორენტინო პერესმაც. გავრცელებული ინფორმაციით, დონ პერესი EL Larguero-ს ჟურნალისტების დაგროვილ კითხვებს მაინც უპასუხებს, თუმცა ეს შეხვედრა მოგვიანებით შედგება, რომლის დროც არავინ იცის.

ესპანური გამოცემების ცნობით, პერესი სატელევიზიო ჩართვას მხოლოდ მას შემდეგ დათანხმდება, რაც „რეალი“ 2021 წლის ბიუჯეტს დაამტკიცებს და სერხიო რამოსის კონტრაქტთან დაკავშირებითაც ყველაფერს გაარკვევს.