„ვესტ ჰემი“ მზად არის, იანვრის სატრანსფერო ფანჯრის დროს „რეალის“ ერთ-ერთი ფორვარდი შეიძინოს.

„ვესტ ჰემელთა“ აზრით, თავდასხმის ხაზი აშკარად გასაძლიერებელია, „რეალს“ კი მარიანო დიასი და ლუკა იოვიჩი არ სჭირდება. ინგლისელები ორივე ვარიანტს განიხილავენ და სურთ, რომ ერთ-ერთი თავდამსხმელი დაიმატონ.

ესპანური გამოცემების ცნობით, ბრიტანული მხარე იანვარში ფლორენტინო პერესს მიმართავს. „ვესტ ჰემი“ მზად არის, ლუკა იოვიჩთან დაკავშირებით საიჯარო ხელშეკრულებას მოაწეროს ხელი, თუნდაც ეს 6 თვიანი იყოს, ხოლო მარიანო დიასთან დაკავშირებით საუბრის დაწყება 4 წლიან კონტრაქტზე იგეგმება.

„ას“-ის ინფორმაციით, „ბლანკოსი“ ამ წინადადებაზე აუცილებლად დაფიქრდება, მაგრამ ძალიან მნიშვნელოვანი იქნება თავად მარიანოს აზრი პრემიერლიგაში გადასვლასთან დაკავშირებით.

რაც შეეხება იოვიჩს, სერბ ფორვარდს პრეტენზიას „მილანიც“ აცხადებს, მაგრამ იტალიური გუნდი 18 თვიან იჯარას განიხილავს.