მადრიდის „რეალის“ ყოფილმა ფეხბურთელმა, ფაბიო კოენტრაუმ კრიშტიანო რონალდუსა და „ბლანკოსში“ გატარებულ წლებზე ისაუბრა.

„ყველა ფეხბურთელს არ ჰქონია ბედნიერება, რომ „რეალთან“ კონტრაქტი 7 წლის განმავლობაში ჰქონოდა.“

„მერწმუნეთ, „რეალში“ ძალიან დიდი მოთხოვნებია. იყო დრო, როდესაც სასტარტო შემადგენლობის წევრი ვიყავი და ძალიან ბევრი წარმატებაც მახსოვს.“

„კრიშტიანო რონალდუ ჩვენი გუნდის უდავო ლიდერი იყო, ის ნამდვილი მონსტრია და ესპანეთში საოცრებებს აკეთებდა.“

„დიახ, „იუვენტუსში“ გადასვლის შემდეგ „7“-იანი ძალიან ბევრ გოლს იტანს, მაგრამ მადრიდული კარიერა სულ სხვა განზომილება იყო.“

„როდესაც მადრიდში ვთამაშობდი, ბეილი და ბენზემა ბრწყინავდნენ, ამას რომ დავუმატოთ ნამდვილი გოლეადორი რონალდუს სახით, მივიღებთ მსოფლიოს საუკეთესო თავდასხმას. ლოგიკურად უნდა ითქვას, რომ BBC მსოფლიო ფეხბურთის ისტორიის ერთ-ერთი საუკეთესო ტრიო იყო, რომლებმაც საოცრებები ჩაიდინა.“

„მადრიდში მოხვედრიდან რამდენიმე წლის შემდეგ იჯარით წასვლა მომიწია. ვერ ვიტყვი, რომ ბედნიერი ვიყავი, მაგრამ ესპანეთში დაბრუნების სურვილი ყოველთვის მქონდა.“

„ჩემი კარიერა ნაყოფიერი იყო, ვინაიდან დიდი ხნის მანძილზე ვეკუთვნოდი კლუბს, რომელიც მსოფლიოში საუკეთესოა.“