სამეფო კლუბის გენერალური დირექტორი, ხოსე ანხელ სანჩესი დავიდ ალაბას აგენტს შეხვდა და შეთავაზება წარუდგინა.

სამეფო კლუბი მზად არის, მიუნხენელ ფეხბურთელს 4 წლიანი კონტრაქტი შესთავაზოს, რომლის ჯამური ღირებულებაც 32 მილიონი ევრო იქნება.

ხოსე ანხელ სანჩესის აზრით, დავიდისთვის „რეალში“ თამაშის პერსპექტივა და წლიურად 8 მილიონი ევრო ნამდვილად მიმზიდველი უნდა იყოს.

ესპანური გამოცემების ცნობით, ალაბას წარმომადგენლობა პირველ ეტაპზე ხელფასის სახით 20 მილიონ ევროს ითხოვდა, მაგრამ ეს რომ არარეალურია ალბათ ყველა ხვდება.

მოლაპარაკებების მეორე რაუნდში თავად ფეხბურთელის პოზიციას ძალიან დიდი მნიშვნელობა მიენიჭება, „რეალმა“ შეთავაზება უკვე წარადგინა, ახლა კი ავსტრიელის ჯერია.