ესპანური გამოცემების ცნობით, სამეფო კლუბის ყოფილი თავკაცის, კარლო ანჩელოტის მიმართ გამოძიება დაიწყო, რომელიც იმ წლებს ეხება, როდესაც იტალიელი „რეალს“ ედგა სათავეში.

საქმე ეხება 1 მილიონზე დიდი თანხას, რომელსაც ესპანელები კარლიტოს ედავებიან.

სავარაუდო ინფორმაციის მიხედვით, „ევერტონის“ ამჟამინდელმა მწვრთნელმა 2013-2015 წლებში გადასახედების გადახდა მთელი რიგი დარღვევებით მოახდინა და „რეალის“ მწვრთნელობის დროს მიღებულ შემოსავლებში ცდომილებები დააფიქსირა.

საგამოძიებო ორგანოების მტკიცებით კარლოს თავი აქვს არიდებული იმ შემოსავლების გამო დაკისრებული გადასახადების გარკვეული წილის გადახდაზე, რომელიც „რეალთან“ კონტრაქტიდან, სხვადასხვა ბრენდთან ურთიერთობიდან, საიმიჯო პარტნიორობიდან და კიდევ სხვა შეთანხმებებიდან აქვს მიღებული.

დამატებითი ინფორმაციები ამ საკითხთან დაკავშირებით ჯერ არ გავრცელებულა. ასევე უცნობია, ამ ინფორმაციის სრული სიზუსტე და სამომავლო პერიპეტიები, თუმცა გამოცემა „ას“ იუწყება, რომ გამოძიება საკმაოდ ინტენსიურ რეჟიმში მიმდინარეობს.