ზიზუ განახევრებული შემადგენლობის მომზადებას განაგრძობს დღევანდელ სესიაზე რამდენიმე სიურპრიზი დაფიქსირდა.

პირველ რიგში უნდა აღინიშნოს, რომ გუნდთან ერთად მინდორზე ივარჯიშეს დანიელ კარვახალმა და ნაჩო ფერნანდესმა, მათი მდგომარეობა აბსოლუტურად დამაკმაყოფილებელია და სანაკრებო პაუზის შემდეგ ისინი „რეალის“ რესურსს მნიშვნელოვნად გაზრდიან.

სესიაზე დიდი ყურადღება დაეთმო ფიზიკური კონდიციების გაუმჯობესებას, ტაქტიკურ მონახაზებს, ბურთის კონტროლს და ასე შემდეგ.

ფერლან მენდი, ლუკას ვასკესი, ალვარო ოდრიოზოლა და კარიმ ბენზემა სატრენაჟორო დარბაზში განსხვავებული პროგრამით ვარჯიშობენ.

ფედერიკო ვალვერდეს აღდგენითი პროცესი ინტენსიურ რეჟიმში მიმდინარეობს, თუმცა მისი 2020 წელს დაბრუნება ძალიან საეჭვოა.

ედენ აზარი და კაზემირო კვლავ კორონავირუსით არიან ინციფირებულები. დიდი ალბათობით კვირას ორივე მოთამაშე ტესტს ჩააბარებს, რის შედეგადაც დადგინდება მათი ჯანმრთელობის მდგომარეობა.