ლუკა იოვიჩმა საკუთარი გოლით სერბეთის ნაკრებს ევროპის ჩემპიონატზე გასვლის შანსი შეუნარჩუნა, მაგრამ საბოლოო ჯამში მისი გუნდი შოტლანდიის ნაკრებთან თერთმეტმეტრიანების სერიაში დამარცხდა. აღსანიშნავია, რომ ლუკამ პენალტიც ზუსტად შეასრულა, მაგრამ ეს არ აღმოჩნდა საკმარისი. „რეალის“ ფეხბურთელმა გუშინდელ საღამოსთან დაკავშირებით კომენტარი გააკეთა.

„ეს ჩემთვის მძიმე მომენტია, ძალიან იმედგაცრუებული ვარ.“

„როდესაც გოლი გავიტანე და ანგარიში გავათანაბრე, წარმოვიდგინე რამხელა ზეიმი იყო თითოეულ ოჯახში, რომელიც ჩვენს ნაკრებს ქომაგობდა.“

„ჩვენ ძალიან ცოტა დაგვაკლდა. ვფიქრობ, ევროპის ჩემპიონატზე ასპარეზობას ვიმსახურებდით.“