კილიან მბაპემ „პსჟ“-სგან კიდევ ერთი შეთავაზება მიიღო. პარიზული კლუბის გენერალურმა დირექტორმა, ლეონარდომ განაცხადა, რომ ფრანგები მბაპესთან, ნეიმართან, დი მარიასთან, დრაქსლერთან და კიდევ რამდენიმე ფეხბურთელთან მოქმედ ხელშეკრულებებს გაახანგრძლივებდა, მაგრამ როგორც სჩანს, კილიანი პოზიციას არ ცვლის...

ლეონარდომ მბაპესგან კიდევ ერთი უარი მიიღო. „ას“ იუწყება, რომ ალ ჰელაიფი საგონებელშია ჩავარდნილი, ვინაიდან დროის გასვლასთან ერთად მბაპეს ფასიც მცირდება.

კილიანი თავისუფალი აგენტი 2022 წელს გახდება, კონტრაქტის ამოწურვამდე 1 წლით ადრე კი მისი ფასი არ იქნება ის ციფრი, რაც თუნდაც გასულ ზაფხულს იყო.

ესპანური გამოცემები იუწყებიან, რომ „რეალი“ მბააპეს 2021 წელს დამატება 160-170 მილიონ ევროდაც შეძლებს. ახლა მთავარი ის არის, რომ ფრანგმა ახალგაზრდამ ზეწოლას გაუძლოს და ზაფხულამდე დრო გაიყვანოს.

თუ „პსჟ“ 2021 წელს მბაპეს „რეალში“ გაშვებაზე უარს ეტყვის, 2022 წელს კილიანი სამეფო კლუბს უფასოდ შეუერთდება, აქედან გამომდინარე ფრანგული კლუბის მმართველს დაფიქრება მოუწევს, ვინაიდან 170 მილიონი ევროს დაკარგვა ნამდვილად არ ღირს.