ფრანგული „პსჟ“ მზად არის, სერხიო რამოსს საოცნებო კონტრაქტი შესთავაზოს. ფრანგები ინტენსიურად აკვირდებიან კაპიტანისა და „რეალის“ ხელმძღვანელობის ურთიერთობას...

ფრანგული და ესპანური გამოცემების ცნობით, „პსჟ“ მზად არის, რამოსს 3 წლიანი კონტრაქტი შესთავაზოს, რომლის ჯამური ღირებულებაც 45 მილიონი ევრო იქნება.

წელიწადში 15 მილიონი ევრო რამოსს „რეალში“ თამაშის დროს არასდროს მიუღია ხელფასის სახით.

იმ ფონზე, რომ ფლორენტინო პერესი სერხიოს დაყოლიებას კონტრაქტის 1 წლით გახანგრძლივებასა და ხელფასის შემცირებაზე ცდილობს, პარიზული კლუბის წინადადება ნამდვილად დაუჯერებლად ჟღერს.

ესპანელი ჟურნალისტი, ხოსე ალვარესი გუშინ საღამოს ერთ-ერთ ესპანურ გადაცემაში გამოვიდა და ღიად თქვა, რომ „რეალში“ რამოსის დაკარგვის რეალური საშიშროებაა.