ერლინგ ჰოლანდის „რეალში“ ტრანსფერთან დაკავშირებით არაერთი ინფორმაცია დაწერილა, მაგრამ მეტწილად უნდა ითქვას, რომ ნორვეგიელ ფეხბურთელს „ბლანკოსს“ 2022 წელს უკავშირებენ, თუმცა ახლა ვითარება შეცვლილია.

გავრცელებული ინფორმაციით, „დორტმუნდის“ ახალგაზრდა ფორვარდმა საკუთარ აგენტს დაავალა, რომ მადრიდის „რეალთან“ მოლაპარაკებები ინტენსიურ რეჟიმში გადაიყვანოს.

როგორც სჩანს, ჰოლანდს აღარ ეშინია და თვლის, რომ მსოფლიოს საუკეთესო კლუბში გადასასვლელად მზად არის.

თუ ფლორენტინო პერესი „დორტმუნდის“ დაყოლიებას შეძლებს, თავად ნორვეგიელს არანაირი პრობლემა არ ექნება და ტრანსფერი არა 2022, არამედ 2021 წელს, კონკრეტულად კი ზაფხულში განხორციელდება.