არ არის გამორიცხული, როდრიგო გოეში „რეალში“ ბოლო სეზონს ატარებდეს და 2021 წლის ზაფხულში კლუბი 1 ან 2 წლიანი იჯარით დატოვოს.

იმ შემთხვევაში, თუ ფლორენტინო პერესი კილიან მბაპეს ტრანსფერს სრულყოფს, მარჯვენა ფლანგის ბატონ-პატრონი სწორედ ფრანგი ფეხბურთელი გახდება, მის შემცვლელად კი დიდი ალბათობით მარკო ასენსიო მოგვევლინება.

მარცხენა ფლანგზე ედენ აზარი და ვინისიუს ჟუნიორი იქნებიან ერთმანეთის კონკურენტები.

ყოველივე ზემოაღნიშნულის ფონზე როდრიგოს სათამაშო დრო მნიშვნელოვნად შემცირდება, რაც არც ფეხბურთელის გეგმებში შედის და არც ზინედინ ზიდანის.

2021 წლის ზაფხულში როდრიგო შემოთავაზებებს განიხილავს, თუმცა შეთანხმება მხოლოდ იჯარას შეეხება.

აქამდე გოეშზე არაერთხელ გამოთქვა პრეტენზია „ვალიადოლიდმა“, „აიაქსმა“ და „დორტმუნდმა“, თუმცა ზიდანის გადაწყვეტილებით, ბრაზილიელი „რეალში“ დარჩა.

ამასთანავე უნდა აღინიშნოს, რომ როდრიგო „ბლანკოსში“ მუდმივად მარჯვენა ფლანგზე გამოდის, მისი პოზიცია კი მარცხენა ფლანგია და იქედან გაცილებით უკეთ უტევს, თუმცა „რეალში“ არსებული სიტუაციიდან გამომდინარე ზიზუს პირობაზე პოზიციის შეცვლის შესახებ დათანხმება უწევს. თუ ბრაზილიელი წავა, შესაძლოა კვლავ დაუბრუნდეს საკუთარ პოზიციას და დაამტკიცოს, რომ იქ უფრო ეფექტურია.